E Monumento di Víktimanan di Guera Antiano (“Monument voor de Antilliaanse Gevallenen”) riba Adriaan Laclé Boulevard na Oranjestad ta e lokalidat fiho di rekordatorio na Aruba. E monumento aki a keda lantá pa rekordá tur e Antianonan ku durante Di Dos Guera Mundial a fayesé pa motibu di akontesimentunan di guera. Riba e plaka tin 129 nòmber di Antianonan ku a peresé, durante Segundo Guera Mundial. Tambe na Willemstad, Kòrsou i na Kralendijk, Bonaire, tin un monumento ku e mes un plaka. Na e seremonia tabatin presente algun dignatario haltu, por ehèmpel Gobernador Boekhoudt i Minister Presidènt (Demishonario) Wever-Croes. Defensa por a guia e seremonia konmemorativo na Aruba.Teniente van Haaren su palabranan: “Mi a konsiderá un honor pa por a guia e seremonia konmemorativo na Aruba, huntu ke e Kuerpo di Marinirnan. Ta bon pa mira ku no opstante e medidanan di limitashon pa COVID, e konmemorashon di 4 di Mei, por a tuma lugá den e parti di Karibe den Reino.”
E destakamentu St. Maarten a keda pidí pa forma un kordon di guardianan di honor, na “Captain Hodge Wharf” na Philipsburg. Komandante di e Destakamentu, Majoor Noordam: “E Konmemorashon a kana satisfaktoriamente. Tabata bunita pa mira ku Gobièrnu a duna atenshon na un forma apropiá na esaki. Sigur tumando na kuenta e situashon fastioso den kua nos ta haña nos mes na e momentunan aki.” Ademas di Gobernador Holiday i Minister Presidènt Jacobs, tabatin tambe dos alto dignatario presente ku personalmente a eksperiensia e efektonan di Segundo Guera Mundial.
Na Kòrsou, Komandante di Forsanan Naval den Region Karibe, General di Brigada di Infanteria di Marina, Boots, a pone un krans tantu na e Monumento na Waaigat, komo na e Santana Militar na Otrobanda. Esaki el a hasi huntu ku Hefe di Ekipo di Defensa (Chef der Equipage Defensie) den Region Karibe, Azjudant Hijman, na nòmber di Forsanan Arma i Wardakosta den Region Karibe. Azjudant Hijman: “Aña pasa lamentablemente e konmemorashon no por a tuma lugá na e santana Militar. Awe afortunadamente si. Ta bon ku esaki por a tuma lugá na ámbos lokalidat. E Santana Militar por sierto tin 8 graf di Guera.” Na e konmemorashon aki tambe tabatin presente alto dignatarionan por ehèmpel Gobernador George Wout i Minister Presidènt (Demishonario) Rhuggenaath. Militarnan di ‘Compagnie in de West’ tambe tabata parti di e seremonia. Nan ta kambia kada kuater luna komo ehérsito (landmachtcompganie) na Kòrsou, i pa motibu di esaki tabata un konmemorashon úniko i spesial pa por a eksperenshá.
Defensa den Region Karibe tambe ku nan propio personal a tene dos minüt di silensio komo rekuerdo na tur e víktimanan di guera òf esnan ku a fayesé desde ku Segundo Guera Mundial a kuminsá.
