KRALENDIJK — Nina den Heyer a logra haña 92 mil dòler pa e sekshon di kultura pa asina yuda e sektor aki ku tambe a risibi un sla duru debí na e pandemia aktual. OCW a duna e greenlight ku nan lo pasa e sèn pa gobièrnu den manera di vrije uitkering. Aktualmente ta verifikando e ultimo toke nan nesesario pa ranka sali ku e tramite nan pa loke ta e yudansa mirando ku mester atende algu di e vrije uitkering mas konkreto.

Tur kos ta prepará kaba pa asina por kuminsa yuda e sektor aki. Nina den Heyer a remarká ku na diferente okashon ministerio nan ta duna OK pa sierto medio nan, pero no ta tur ora e sèn ta subi kuenta di gobièrnu mesora. Pero a logra si di haña 92 mil pa reparti den por ehèmpel musikó nan, ku tambe a haña un sla dor di Covid-19. Ta purbando di otro forma nan pa wak si por keda kla via gobièrnu mes pa ku e 92 mil, tanten ta warda e 92 mil di vrije uitkering subi kuenta di gobièrnu di Boneiru.

Tambe Nina den Heyer a remarká ku ta frustrante ku hopi biaha ministerio nan ta duna ok pa sierto yudansa nan i ta broma den media na Hulanda sin ku gobièrnu risibi e sèn. Esaki ta pone ku ta lanta sierto espektativanan den komunidat pa ku e yudansa real.

Share This
error: Content is protected !!