KRALENDIJK – Nina den Heyer tabata di bishita na Hulanda pa 9 dia. e meta di e biahe aki tabata mas lihé pa sera konosí ku miembro nan di e komishon di relashon di reino nobo.

Manera ta konosí basta hende a sali afó anto awor aki mayoria ta hende nobo den e komishon anto ta hopi importante pa nan sa hopi lihé ki ta e punto nan di doló di Boneiru. Si nos no informá nan, nan ta wòrdu informá di aya banda anto no tur bia e realidat nan ta kuadra ku otro.

Ta importante pa a hasi esaki. Banda di esei tambe manera ta konosí nos ta hasi un lòbi hopi fuerte pa nos hasi posibel pa buelo di Merka bini atrobe pa asina nos por start atrobe nos ekonomia i nos turismo aki na Boneiru. Nos ta mirando un parti grandi di nos poblashon ta bakuna. E manera ku nos ta atendé ku korona, nos ta kere nos por hasi esaki na un manera seif i responsabel. Otro parti importante ta e echo ku den diálogo sentral nos a yega na un akuerdo entre doño nan di trabou, gobièrnu i sindikato pa huntu nos bai traha pa subi e sueldo mínimo den un fase den aña binidero. Nina den Heyer a sinta ku diferente partido i esun nan nobo tambe, manera esun di Silvana. Ta hende nan nobo pero bo ta mira ku nan ta ku kurason pa e isla nan aki.

Di mayoria partido mi a sinta ku representantenan i mi ta kere i ta konvensí ku nan sigui ku e parti di bestant mínimo. Nan a yama un reunion over di esei tambe ku ta tuma lugá mitar di yüni pa  einan nos komo Boneiru i tur partido huntu forma un bloke pa defendé nos interes nan.

Share This
error: Content is protected !!