KRALENDIJK — Ayera e deporte di biyar a dal un stap i krusa brùg pa un etapa nobo. Despues ku e direktiva saliente a sinta 9 aña, ayera nochi porfin algun miembro a postulá nan mes pa forma un direktiva nobo. Den e reunion general ku a tuma luga ayera na fèlt di ATC, e direktiva anterior a tuma despedida despues di a sirbi e deporte ku amor i dedikashon pa 9 aña konsekutivo. Despues ku e direktiva a pone ku nan no ta re-eligibel mas, a kuminsa avisa tim i miembro nan pa manda un representante/kandidato di kada ekipo pa wak si por forma un direktiva.

Un total di 3 persona a postulá nan mes, di kual Vladimir Mercera te uniko ku a postulá su mes pa e puesto di presidente i e otro dos persona nan kual ta Maximi Wilsoe i Marvin Abdul a postulá nan mes pa forma parti di e direktiva nobo. Sigur ta un bon notisia pa e deporte i tambe mirando ku ta hobennan a tuma over. Tur hende presente na e reunion a felisita e presidente i direktiva nobo i tambe alabes gradisi e direktiva saliente di kual tabata tin Aaron Martis komo presidente.

Pronto e direktiva di 3 aki mester reuní pa wak si por saka mas miembro pa forma direktiva kompletu, mirando ku mester di 7 persona segun statuto aktual pa e direktiva ta kompletu.

Live 99 ta desea e hobennan aki tur klase di exito den nan reto nobo pa maneha e federashon di biyar di Boneiru.

Share This
error: Content is protected !!