Outo ta dal den kura di kas
Riba djabièrnè 7 di mei, alrededor di 4 or di mardugá, un aksidente a tuma lugá riba Kaya Korona. Pa motibu ainda  deskonosí e shofùr di un outo a kore bai dal den muraya di kura di un kas. A hiba e shofùr warda pa hasi ‘ademanalyse’. En konekshon ku e resultado di esaki ela haña un prosèsferbal pa manehá bou di influensia i ela haña un prohibishon pa manehá di 11 ora. Despues ambulans a transportá e shofùr pa hospital pa tratamentu médiko. Durante di e aksidente ela dal den un pipa di awa ku a buta basta awa basha. WEB a resolvé e problema aki mesora.

Kòntròlnan di tráfiko plania
Riba djárason 5 mei a tene un kòntròl di tráfiko na Kaya Soeur Bartola, durante di kua a kontrolá 11 vehíkulo. Shete shofùr a haña un prosèsferbal di kua tres pa manehá sin seguro,tres pa manehá sin faha di seguridat iun pa manehá sin reibeweis.

Den oranan di mainta riba djaweps 6 di mei, a tene un kòntròl di tráfiko na Kaya Internashonal en konekshon ku seguridat di tráfiko. Durante di e kòntròl aki a kontrolá un total di 35 vehíkulo, di kua 33 outo i 2 hèrmènt ku ta kore riba su mes (zelfrijdend werktuig). A duna un total di 31 prosèsferbal.

E prosèsferbalnan tabata pa lo siguiente:

21x pa manehá sin faha di seguridat bisti
5x pa uzo di telefòn bou di stür
3x pa manehá sin reibeweis bálido
2x pa manehá sin seguro bálido

Den oranan di atardi a kontrolá 20 vehíkulo durante un kòntròl di tráfiko na Kaya Amsterdam. Aki a duna 4 prosèsferbal di kua un pa manehá sin reibeweis bálido, un pa manehá sin seguro bálidoi dos pa manehá sin faha di seguridat bisti.

Ladronisia for di kunuku
Riba djaluna 5 di mei a drenta keho di ladronisia di várioshèrmènt i artíkulo for di  un kunuku situá na Kaminda Sorobon. Ta trata di kuater bateria, 2 mashin di skaf di marka Powerplus i DeWalt i algun pènel di solo di marka Technical Data. Ta investigando e kaso.

Kiebro den restorant
Entre djárason 5 mei i djaweps 6 di mei deskonosínan a kibra drenta den un restorant situána Kaya Neerlandia i a bai ku entre otro váriosbòter di alkohòl, karni, sigaria, dos lèptòp i sèn kèsh. E kaso ta bou di investigashon.

Polis ta saka kachónan for di pèrta
Alrededor di 2.45 or di atardi riba djárason 5 di mei, a dirigí un patruya pa un kas en konekshon ku un tep ku ta maltratákachónan einan. Na yegada e patruya a bin topa ku dos yu di kachó den kouchi, den solo i sin awa. E agentenan por a nota ku e kachónan tabata sinti hopi kalor debí na e manera di  hala rosea pura i komo ku nan tabata intrankil. Komo ku no tabatin niun hende na kas a disidí pa pone e kachónan den sombra i a dunanan awa. A tuma kontakto ku e doño di kas. E polis di bario lo sigui monitoria e situashon aki.

Share This
error: Content is protected !!