KRALENDIJK – Den luna di aprel fundashon Boneiru limpi i bunita den koperashon ku Selibon N.V. a organisá e promé akshon di limpiesa “Clean up Drive Through” den e bario di Rincon. Apesar ku e pandemia di Covid-19 ta asotando nos komunidat, nos a logra di hasi nos trabou dor di tene Boneiru limpi, bunita pa sigui mantené un medio ambiente limpi i sano pa nos komunidat.

Nos a pone énfasis riba e bario di Rincon poniendo bakinan di shushi na sitio nan stratégiko pa e “clean up drive trought”. Fundashon Boneiru Limpi i Bunita den koperashon ku Selibon N.V. kier a yama danki na e bario di Rincon i su poblashon ku a hasi bon uso di e oportunidat aki pa a tene nan bario limpi i bunita.

A kolektá un total di 2240 KG di shushi gròf ku a wòrdu depositá den e bakinan ku a pone na lugánan stratégiko den e bario. E sigiente bario pa luna di mei lo ta Belnem. Keda pendiente paso bo bario tambe ta yega na bùrt.

Nos ke konsientisá e pueblo di Boneiru pa tuma e tempu di krisis aki pa sigui mantené nos medio ambiente limpi i bunita pa asina nos sòru pa un forma di bida saludabel i seif.

Share This
error: Content is protected !!