KRALENDIJK–Nos kampion nan di s.v. Real Rincon di Rincon, ta biaha djaweps awó dia 13 di mei 2021 pa Santo Domingo, esaki pa representá nosislana Concacaf Caribbean Club Championship i dependiendo di kón e wega nan bai, lo determiná e fecha ku nan lo bin bèk Boneiru. Esaki e DT di s.v. Real Rincon, YeyoTrenidad a bisa den kombersashon ku nos tabatin kuné fin di siman pasá.

Real ta den grupo B huntuku Platinum FC di St Lucia i Delfinesdel Este ku ta un tim profeshonal di Santo Domingo.

E promé wega nos kampion nan di s.v. Real Rincon lo ta djaluna  17 di mei kontra Platinum FC i dia 19 di mei nan lo hunga nan di dos wega kontra Delfines del Este. Real Rincon no por a hasi uso di refuerso pa e kompromiso aki komo ku den e torneo di Concacaf aki no ta permit esaki.

Riba nos pregunta kon e tim di Real Rincon a prepará pa e torneo aki, sr. Trenidad a bias ku e tim ku Real ta bai kuné, ta di bai ku e tim manera nan por logra bai kuné, mirando ku e situashon di Covid-19 a pone ku hopi di nan hungadó nan klave no por bai mas. Pa ku treinen nan, tabata difísil dor ku tabatin e periodo ku no tabata pèrmití pa trein riba tereno, atrobe pa e medida nan relashoná ku Covid-19. Pa a motibu aki aopta pa bai trein pafó, koriendo ruta nan di Karpata, Seru Largu, Washington Park, Dos Pos i Bopec pa asina mantené e kondishon. Segun sr. Trenidad a bisa, pa un tim bai kompetí na torneo nan asina, mester ta bón prepará. Pero nan ta bai ku e hungadónanku nan tin i por logra bai kuné. No tin otro moda di hasi pasé manera e la bias kaba, e situashon di Covid-19 ta hasié difísil pa algun hungadó por bai.

Si tabata permit refuerso lo tabata bon, pero esaki tampoko no por. Mas aleu sr. Trenidad a bisa, ku e ta bai ku algun hungadó hopi yòng, pa nan bai ta den akshon i sinti kon e nivel di e wega nan ta i pa mañan Dios ke, nan a eksperensiá i por papia di esaki. Por último sr. Trenidad a bias ku Real Rincon ta bai representá Boneiru den e torneo aki, e di mihó forma ku nan por den e situashon di e pandemia aki di Covid-19.

Share This
error: Content is protected !!