Ministerio di Edukashon, Kultura i Siensia di Hulanda (OCW) a inisiá un enkuesta entre e miembronan di prensa riba islanan BES. E investigashon akí ta na enkargo di Renske Pin di RE-Quest. Meta di e investigashon ta pa haña un bista kla di e nesesidat nan i pa formulá konseho pa fortalesé e panorama di medionan di komunikashon riba e islanan BES. Ku e resultado, Ministerio di OCW por yuda organisá por ehèmpel kurso nan di formashon i un fondo di insentivo pa periodismo. E enkuesta lo tuma lugá digital i lo ta anónimo.

E enkuesta ta parti di un proseso mas ekstenso, den kua lo hasi uzo di Indikadó nan di Desaroyo di Medionan di Komunikashon di UNESCO pa realisáunbista di e pa norama mediátiko di e islanan BES. Banda di esei lo organisá un reunion (digital) den kua lo kompartí e resultado nan di e eksplorashon i e enkuesta ku prensa i e partisipante nan i lo interkambiá di idea kon ta bai sigui duna kontenido na un Plan di Desaroyo pa Medionan di Komunikashon i un Programa di Kapasitashon.

Lo hinka atenshon spesial den eksplorá e posibilidatnan pa establesé un fondo di insentivo pa periodismo riba isla nan BES. “E proyektonan di investigashon di medionan di komunikashon di UNESCO ku a tuma lugá na Kòrsou i Aruba ta siña nos ku periodismo riba e islanan tin di haber ku influensha nan di polítika i komersio, loke ta kondusí na outosensura. Inisiashon di kurso nan i aktividat nan di formashon (ku sèn) di ministerio nan (sigur riba eskala chikitu) por duna e impreshon di ta tacha independensia di e periodista nan ku ta sigui e trayekto nan akí”, asina e investigadó di medio nan di komunikashon Renske Pin ta splika. Den e proseso akí, lo enfoká promé riba Saba, Sint Eustatius i Boneiru i kaminda ta posibel lo buska koperashon i interkambio ku Kòrsou, Aruba i Sint Maarten.

Ta invitá periodista nan i miembronan di prensa ku ta traha na Boneiru, Sint Eustatius i Saba pa kompletá e enkuesta digital via e invitashon via email of via e link aki: www.tinyurl.com/SurveyPrensaBES1.

Share This
error: Content is protected !!