E barku di patruya Zr.Ms. Holland a sali for di Den Helder awe  ku direkshon Region Karibe. Defensa pa e motibu ei, despues di un par di luna, atrobe tin nan barku di patruya stashoná den e region.

Zr.Ms. Holland sigun ta spera  lo yega 26 di mei, pa medio di su entrada seremonial na Kòrsou. Durante su tempu den Region Karibe, e tripulashon ta dirigí su mes entre otro riba operashonnan kontra di terorismo i kontrabanda di droga i arma. Forsanan Armá ta duna supstansha ku esaki na su tareanan konstitushonal. Tal komo mantenshon di e órden legal internashonal. E operashonnan ta tuma lugá den koperashon ku partnernan stratégiko tal komo Wardakosta Region Karibe i ‘Joint Interagency Task Force South’ Merikano.

Zr.Ms. Holland ta un embarkashon Oseániko di Patruya (Oceangoing Patrol Vessel -OPV) i e tin un helikòpter marítimo NH90 a bordo.

Na fin di desèmber aña pasá, e promé barku di patruya  Zr.Ms. Groningen a bolbe bek Hulanda pa motibu di problemanan tékniko. Durante e periodo promé ku esei e tripulashon di e barku a interseptá entre otro míles di kilo di droga. Defensa tin 4 barku di patruya di Klase Hulandes. Esakinan ta navenan fleksibel pa ser usá pa vigilansha di nos kosta i awanan teritorial. Zr.Ms. Holland den kuminsamentu di 2018 tabata barku di patruya den Region Karibe pa último biaha.

 

 

Share This
error: Content is protected !!