Compagnie in de West’ tin ehersisio di 18 pa 25 di Mei na Bonaire. E unidat di Ehérsito normalmente ta stashoná na Kòrsou. E militarnan ta sali mañan pa bai Bonaire ku e barku di Marina Zr.Ms. Pelikaan.
E ehersisio di e skuadron ta konsistí di mas elemento. Asina tin riba e tereno di ehersisio un senario kaminda nan tin un enemigu fiktisio ku nan tin di konfundí. Tambe e militarnan ta ehersé ‘patruynan sosial’ den e besindario di Kralendijk. Aki nan ta bai hiba kombersashonnan ku e poblashon pa asina forma kontakto i interkambiá informashon. Aki naturalmente ta tene kuenta ku ku e situashon aktual di COVID.
E ehersisio na Bonaire ta keda tené pa motibu di e debernan konstitushonal ku e ehérsito tin tambe den Region Karibe. Asina un di e tareanan ta, pa ta kapas pa por defendé e propio teritorio, si en kaso esaki keda ataká. Naturalmente esaki no ta e kaso, pero Defensa ta trein si pa esaki. Pa esaki tambe ta nesesario ku e militarnan ta bon konosí riba kada un di e islanan.
COVID
‘Compagnie in de West’ ta mantené su mes na tur e reglanan di COVID di Bonaire durante e ehersisio. E ehersisio a keda tambe aprobá pa Entidat Públiko Bonaire. Compagnie in de West a bakuná dos biaha kaba na Kòrsou.
E Militarnan di e skuadron di Compagnie in de West ta prosedente di e di 11 Brigada Aeromóbil di Assen. E militarnan a keda ubiká den forma di rotashon na Kòrsou pa un periodo di 4 luna.
Nan por keda utilisá pa proporshoná yudansa den kaso di emergensia of duna asistensha militar na outoridatnan sivil.
Share This
error: Content is protected !!