Kralendijk – Den konsulta ku Staf di nos kompania di limpiesa Selibon N.V., ABVO a tene un elekshon pa skohe personannan pa forma parti di Grupo di Servisio.
Tres miembro a pone nan mes disponibel pa forma parti di Grupo di Servisio.
Ta trata aki di sr. Karel Pikerie, sr. Franklin Domacasse i sr. Feliciano Wanga.
Tabata sr. Robert Sances, presidente i sra. Joanny Trinidad, sekretario general, ku a supervisá e elekshon ku a kana den un ambiente solidario entre miembronan.
Grupo di Servisio ta un grupo di miembro di ABVO ku den e kompania òf servisio ku ta fungi komo representashon di ABVO den e kompania, pues ta e orea i bosero di ABVO pa loke ta trata miembresia.
Pues ta konstata konflikto, skucha i pasa esaki pa direktiva ku na su turno tin e obligashon pa tuma akshon pa trata na resolve kualke eventual konflikto.
Ta e intenshon pa tene elekshon na otro instansianan di kua ta konta ku representashon sindikal di ABVO.
E intenshon ta pa intensive e komunikashon enter direktiva i miembronan.
Apesar di tur kontratempu, ABVO ta sigui konta ku e sosten di su miembronan den tur sentido di palabra. Komo un sintdikato ku ta kumpli ku su rekesitonan stipulá den su statutonan, manera kongreso, reunion di konseho i elekshon pa presidensia i miembronan di direktiva na un forma transparente i demokratiko ta sigui krese na miembresia.
Den e simannan benidero lo tende mas di otro instansianan den kua tambe lo tene elekshon pa Grupo di Servisio.
ABVO ta gradisí su miembronan na Selibon NV pa e konfiansa i sosten. Huntu nos ta sigui kana.
Share This
error: Content is protected !!