Ingrid Sealy a nase na Hulanda i a lanta na Boneiru. Ku un estudio di kriminologia ku el a sigui na Vrije Universiteit na Amsterdam den su man, Ingrid Sealy a yega Boneiru.Na Boneiru el a kuminsá traha komo kolaboradó di Reclassering i despues a traha na Jeugdzorg komo asistente sosial ambulante, lider di tim, mènedjer di kontenido i direktor interino.
Despues di shete aña e a kambia pa Entidat Públiko Boneiru (OLB) pa bai traha komo hefe di Sosten Sosial i Aktivashon Laboral (Maatschappelijke Ondersteuning en Arbeidsactivering) (MOA). Na OLB, banda di esei, e tabata hefe di evakuashon i akohida den e organisashon di kombatimentu di desaster.
Despues di a traha 3.5 aña den e funshon akí, e ta regresá serka Rijksdienst den e funshon di mènedjer di unidat IND. E ta konsiderá esaki un bunita paso den su karera, den kua su kompromiso pa bienestar di e siudadano (tin bia vulnerabel) ta para sentral. “Kiko ta pasando realmente den komunidat i kon huntu bo por logra tresemehorashon, ta loke ta duna mi energia.”
Share This
error: Content is protected !!