KRALENDIJK — Últimamente e mundu di modelahe aki na Boneiru tabata moveshonnan grandi. Esaki sigur despues ku Johnrick Anthony a firma dia 16 di mei último pa bira e direktor general di Boneiru i e lo ta esun na kabes pa manda representantenan di Boneiru pa bai partisipá na nuestra belleza international. Por menshoná ku e sertámen aki lo bai tuma lugá e aña aki entre 13 pa 20 di sèptèmber na Republika Dominicana. Mas aleu Johnrick Anthony a bisa nos ku nan ta kasi kla ku nan mesun organisashon i ku falta masha poko pa esaki keda revelá pa medio di un rueda di prensa. Personanan ku ya kaba ta den e organisashon ta entre otro Gilberto Martis, Jathalie Allee, Magaly Sumter i algun persona mas ku lo asistí pa e parti di preparashon i formashon di e representante nan i tambe naturalmente Johnrick mes komo direktor.
Seguidamente Johnrick a bisa ku si tin personanan interesá pa forma parti di e sertámen internashonal mester ta entre 5 pa 25 aña i por tuma kontakto libramente ku Johnrick Anthony pa mas informashon. Por spera ku pa otro aña lo tin e promé sertámen aki na Boneiru pa asina por saka representante pa bai nuestra belleza international. E plan ta pa tur aña tin un sertámen di beyesa bek na Boneiru.
Nos ta deseá Johnrick Anthony i su team hopi exito ku e reto nobo aki i ku muy espesialmente nan tene nòmber di Boneiru den tòp.
Share This
error: Content is protected !!