Kralendijk, 11 di mei 2021 – Tokante su trabou komo miembro di Konseho Insular Daisy Coffie ta trese lo siguiente dilanti: ‘Nos komo miembro di Konseho Insular ta determiná kua ta e puntonan mas importante di maneho di gobièrnu. Nos ta kontrolá si Kolegio Ehekutivo, esta gezaghèber i diputadonan, ta ehekutá e maneho bon. Nos ta traha presupuesto i nos ta kontrolá e relato finansiero anual di gobiernu. Kada miembro di Konseho Insular ta un representante di pueblo. Komo miembro di Konseho Insular pues mi mester tin bon kontakto ku habitantenan di nos isla, pa por sa kiko ta biba den nos pueblo. Di e manera aki mi por representá interes di nos habitantenan adekuadamente. Den Konseho Insular nos ta trata tambe hopi asuntu práktiko, manera tráfiko, medio ambiente, kultura i deporte. Nos ta traha ordenansa tambe ku nos habitantenan mester kumpli kuné. I komo miembro di Konseho Insular nos tin e derecho pa investigá funshonamentu di Kolegio Ehekutivo. Tur esaki ta nifiká hopi trabou. Den e relato aki bou di mi trabounan den luna di yanüari te ku mart 2021, esta e promé kuartal di 2021, mi ta ilustrá kiko asina e trabounan aki ta enserá.’
Trabou atministrativo
E trabounan ku ta keda bini bèk riba base diario ta: manehá korespondensia, fail dokumentunan físiko (hard copy), fail dokumentunan digital, registrá kada konvokashon pa reunion i prepará e dokumentunan nesesario pa e reunionnan aki. Diariamente tin un kantidat di yamada telefóniko pa atendé kuné i nos agènda ta eksigí un estado di alerta skèrpi pa no pèrdè nada for di bista. Aparte di e trabounan netamente atministrativo aki diariamente mester studia dokumentunan ku ta drenta, prepará preguntanan pa hasi durante reunion, prepará preguntanan por eskrito i naturalmente un miembro di Konseho Insular mester ta bon prepará pa e diferente reunionnan.
Preparashon pa reunion
Durante e promé kuartal di aña 2021 tabatin 22 reunion repartí den reunion di presidio (4x), reunion di Komishon Fiho (14x), reunion di Konseho Insular di forma opinion (1x) i reunion di Konseho Insular di tuma desishon (3x). Den e mesun periodo aki konsehalDaisyCoffie a reuní no ménos ku 34 biaha ku gruponan informal, e asina yamá reunionnan sosial. Ta evidente ku tur e reunionnan aki ta eksigí hopi ora di preparashon. Den e periodo aki tambe mester a hasi e preparashonnan nesesario pa e promé kambio di presupuesto. E trabounan aki a tuma henter un siman pa keda kla ku nan. En general por bisa ku pa kada reunion tin ku studia asuntunan ku ta biba den komunidat, formulá preguntanan korespondiente i prepará disertashonnan pa trese dilanti durante e reunion. Esaki konsehalDaisyCoffie a hasi na tres okashon durante e periodo aki, kaminda e tópikonan tabata: Covid, e di tres kambio di presupuesto 2020 i e promé kambio di presupuesto 2021.
Karta ku pregunta
Durante e promé tres lunanan di aña 2021 konsehalDaisyCoffie di Frakshon Coffie a manda 12 karta ku pregunta por eskrito pa gobièrnu di Boneiru, ku e siguiente tópikonan: Rotònde Kaya Amsterdam, BOB-Bus, Prosedura di para reunion, Nombramentu miembronan
ekstraordinario di Frakshon Coffie, Intrankilidat den Enseñansa na Boneiru, Proposishon pa invitá representantenan di deporte pa reunion, Situashon di sushi riba nos isla, Petishon pa invitá sindikatonan pa reunion ekstraordinario tokante BOPEC, Situashon di COVID, Fiansa di
$ 250.000 pa BOPEC, Reakshon riba kontesta tokante fiansa di BOPEC i Pregunta tokante situashon di COVID.
Otro trabounan
Den e promé kuartal aki konsehal Daisy Coffie na 23 okashon a atendé ku personanan ku tabata konfrontando sierto problemanan i a logra yuda nan kaminda tabata por. Pa por hasi su trabou di miembro di Konseho Insular na un nivel satisfaktorio, na tres okashon Daisy Coffie a solisitá dokumentu, esta e Plan di Maneho Kultural, e Programa di Desaroyo di Deporte na Boneiru i e Akuerdo di Deporte i Prevenshon. Bishita di trabou konsehal Daisy Coffie a hasi na
WEB, Mangazina di Rei, Kunuku di BanoPourier, LVV, Fontein i Cocari. E parti di publisidat tambe ta sigui kana bon i ku regularidat DaisyCoffie ta saka komunikado di prensa na dos idioma, 24 biaha prensa a aserká e konsehal pa entrevista, 11 biaha su kartanan a keda publiká den prensa boneriano i 38 biaha tabatin publikashon riba medionan sosial
Share This
error: Content is protected !!