Kralendijk,

21 mei 2021

Direktiva di AFBW ta sumamente kontentu di por a traha huntu i den un periodo kòrtiku por a realisá nan relato finansiero di aña 2020. AFBW su relato finansiero di aña 2020 ta kla.
Segun Bradly  R L Wanga tesorero di AFBW, e parti finansiero di un organisashon ta e kurason di e organisashon. Ta hopi importante pa e parti finansiero den un organisashon ta saludabel. Esaki no ta konta pa organisashonnan sindikal so pero pa tur, negoshi, kompania etc enz.
Ta hopi importante pa den bo bida personal bo asuntu nan finansiero tambe ta bon regla i saludabel. Bo no mester sa tur kos komo tesorero pero bo mester sa si di entrada i salida, segun tesorero di AFBW. Presidente di AFBW señor Cherel F Kwidama tambe ta splika kon importante un relato finansiero di un organisashon sindikal ta;
Tur kos a kuminsá for di aña 2019 na momentu ku a reorganisá e Federashon General di Trahadónan di Boneiru (A.F.B.W.)  a kuminsá wak tur loke por a haña di e parti finansiero i a buska eksperto nan riba e tereno aki pa por a kana e kaminda i sana e federashon.
Tabata un kaminda largu pero no imposibel, a logra traha relatonan finansiero di aña 2018, 2019 i awor esun di aña 2020, e situashon finansiero ta saludabel, nos ta manehando esaki ku hopi koutela. Ora ta trata di kontribushon di miembronan na un sindikato òf den kualke organisashon mester atendé, ku e parti aki konforme statuto di e organisashon.

Ta importante pa miembronan lesa nan statuto i nan regla di kas bon, pa asina por mira kiko e statuto ta preskribí pa ku e parti finansiero di nan sindikato.

AFBW por wak bek riba un aña finansiero ku a kuminsá kue su rumbo positivo.
AFBW sa ku den e tempu di krísis aki hopi hende no tin’e bon finansieramente, kompanianan, negoshinan, bo por bisa ekonomia den su totalidat, ta sufriendo bou di e pandemia aki.

Pa es motibu aki AFBW ta bai bini ku kursonan pa su miembronan netamente riba e área finansiero tantu komo personal pero tambe kon pa bo manehá e parti finansiero den bo propio negoshi òf den bo área laboral.

AFBW ta un sindikato transparente, un sindikato kaminda demokrasia ta konta, miembro ta AFBW, AFBW ta miembro.

Na nòmber di direktiva i shopsteward nan di AFBW, nos kier a gradisí tur nos 485 miembronan, hürdónan di lokalidat i koleganan sindikal, pa e konfiansa depositá den “AFBW”.
“AFBW bo sindikato, Den Union Tin Forsa”.  Esakinan tabata palabranan di tesorero i presidente di AFBW.

 

Riba e potrèt por mira presidente di AFBW, sr Cherel F Kwidama i tesorero Bradly R LWanga.

Share This
error: Content is protected !!