Trahadornan di e kompania Curoil aki na Boneiru no tabata kontentu kon e sindikato Pwfc tabata representá nan.

Na vários okashon ora negoshá algu pa Curoil Kòrsou ta sosodé ku loke keda palabra aya ta wòrdu implementá outomátikamente na Curoil Boneiru tambe.

Anto esaki trahadónan a kansa di dje.

For di despues di 10-10-10 diferente senario a kambia riba tereno laboral entre Korsou i Boneiru anto nos no por a sigui mas asina aki ta loke un di e trahadónan di Curoil Boneiru a splika notisia Live 99 fm.

For di aña pasa a kuminsá papia ku Abvo pa por a hasi e kambio di sindikato i na novèmber aña pasa a keda kla.

Mester a kaba di regla algun kos i ta pesey awor numa nos por hasi e públiko.

Entretantu gerensia di Curoil ta rekonosé e sindikato Abvo tambe komo representante di e trahadónan aki na Boneiru.

Awor aki ta bai traha tambe riba un CAO nobo pa e trahadónan segun Robert Sances di Abvo a bisa notisia Live 99 fm.

FUENTE: AIMED AYUBI.
NOTISIA KU BO POR KONFIA.
Share This
error: Content is protected !!