Korekshon: e publikashon tokante e promé kuartal di 2021 (publiká dia 21 di aprel 2021) tabata tin informashon inkorekto den dje i pa e motibu aki a adapt’é. No a inkorporá e supsidio pa gastu
di internèt na Sint Eustatius i Saba ku a drenta na vigor promé di yanüari 2021, den e sifra índise pa e promé kuartal di 2021. E sifra índise publiká anteriormente tabata muchu haltu. Den e
komunikado aki a prosesá e supsidionan aki.
Inflashon Boneiru -3,2 porshento den promé kuartal 2021
Den e promé kuartal di 2021 produkto- i servisio di konsumidó na Boneiru tabata 3,2 porshento mas barata ku un aña anterior. Un kuartal anterior inflashon ainda tabata -5,2 porshento. Na Sint
Eustatius preisnan a baha riba base anual ku 4,1 porshento i na Saba ku 1,3 porshento. Esaki CBS ta informá a base di e índise di preis di konsumidó Hulanda Karibense.Por atribuí e inflashon abou den e promé kuartal di 2021 na Hulanda Karibense partikularmente
na e kompensashon1 ku gobièrnu ta suministrá for 1 di mei 2020 pa koriente, awa i internèt. For di yanüari 2021 tin un supsidio adishonal riba internèt na vigor pa Sint Eustatius i Saba, di USD 20
pa Sint Eustatius i USD 10 pa Saba.Den e promé kuartal di 2021 tambe e krísis di corona tabatin konsekuensia pa kompilashon di e
índise di preis di konsumidó (CPI) pa Hulanda Karibense. Partikularmente pa motibu di e lockdown na Boneiru por a hasi muchu ménos opservashon di preis den tiendanan na luna di
mart.
E inflashon abou na Boneiru ta partikularmente pa motibu di e kompensashon pa elektrisidat i
awa entrante 1 di mei 2020. Koriente tabata 14,3 porshento mas barata den e promé kuartal di
2020 kompará ku un aña anterior i awa tabata 16,0 porshento mas barata. Kompará ku un kuartal anterior preisnan na Boneiru a subi den e promé kuartal di 2021 ku un promedio di 1 porshento. Esaki a ser okashoná partikularmente dor di subida di e tarifanan
variabel di koriente i awa. Ounke preis pa tarifa variabel a subi den e promé kuartal kompará ku e di kuater kuartal di 2020, e preis pa e tarifa total (vastrecht i tarifa variabel) a keda bou di e
nivel di un aña anterior. E preis promedio pa alimento a keda basta stabil den e promé kuartal kompará ku un kuartal
anterior. Preis pa bestia di pluma a baha ku kasi 3 porshento i preis pa fruta fresku a subi ku 1,5 porshento. Mas aleu preis pa paña di hende muhé a subi ku 4,6 porshento. Preisnan na Sint Eustatius a baha kompará ku e kuartal anterior Preisnan di konsumidó na Sint Eustatius tabata 4,1 porshento mas abou den e promé kuartal di
2021 kompará ku un aña anterior. Den e di kuater kuartal di 2020 e bahada tabata 3,2 porshento. Den e promé kuartal konsumidónan a paga 0,6 porshento ménos ku un kuartal anterior.
E gastunan di komunikashon a baha ku 16,2 porshento. E tarifanan variabel pa koriente a subi kompará ku e último kuartal di 2020 ku mas di 10 porshento. Mas aleu preis di gasolin a subi ku
1,7 porshento i di disel ku 3,9 porshento. Preisnan di konsumidó na Saba a baha kompará ku kuartal anterior Na Saba konsumidónan a paga den e promé kuartal di 2021 un promedio di 1,3 porshento
ménos kompará ku un aña anterior. Den e di kuater kuartal di 2020 inflashon ainda tabata -0,8 porshento.
Den e promé kuartal konsumidónan a paga 0,2 porshento ménos ku un kuartal anterior. E gastunan di komunikashon a baha ku 4,8 porshento. Preisnan pa alimento i artíkulonan di baño
a baha. E tarifanan variabel di koriente a subi ku mas di 26 porshento kompará ku e último kuartal di 2020.
Sifranan tentativo E sifranan tokante e promé kuartal di 2021 ta tentativo i lo keda stipulá nan definitivamente ora
ku publiká tokante e di dos kuartal di 2021.
Share This
error: Content is protected !!