Kralendijk – Entrante djárason 19 di mei 2021 kódigo hel ta konta ofisialmente pa Boneiru. Gezaghèber Edison Rijna a deklará siman pasá den un rueda di prensa kaba ku debí na e kantidat abou di kontagio di corona, e isla lo a haña kódigo hel. Pa Hulanda Boneiru ta awor un pais di riesgo abou. Pasahero ku ta biaha di e isla pa Hulanda, no tin mester di hasi tèst promé ku salida. Na yegada na e pais nan no tin mester di bai den karentena tampoko. For di desèmber aña pasá e kódigo oraño tabata konta pa e isla. Tabata konsehá biahero e tempu ei pa biaha pa e isla solamente si esei tabata estriktamente nesesario. Tabata konsiderá biahe pa bai ku vakashon komo biahe ku no ta estriktamente nesesario. Pa mas informashon tokante biahamentu pa i for di Boneiru, wak www.bonairecrisis.com

Share This
error: Content is protected !!