KRALENDIJK– Un grupo di persona (10) a finalisá un kurso di gobernashon ku tabatin i a termina fin di siman ku a pasa. Ta trata di un kurso di gobernashon, ku tabata planiá pa dura mas o menos 2 luna, sinembargo debí na e pandemia di Covid-19, el a dura poko mas largu. Diferente persona a duna lès kontribiendo na e kurso, durante simannan tras di otro. E grupo tabata konsistí di hende ku no tabata of ta den politika i tambe 2 miembro di konseho insular. Topikonnan tabata hopi intresante pa siña konose kon e mundu politika ta hinka den otro i ta funshona. Arthur Sealy tabata e persona enkarga ku e lesnan i e persona ku a yega na e idea pa organisa e kurso.
Cherel Kwidama,  presidende di A.F.B.W.,  Arthur  Sealy i Norwin (Nochi) Willem, tabata esnan presente na momentu ku a hasi entrega di sertifikado na e partisipantenan. Prome nan a dirigi palabra i despues entrega e sertifikado na e partisipantenan.

Share This
error: Content is protected !!