OUTO TA DAL DEN PALU DI LUS
Riba djadumingu 23 di mei, alrededor di 9.45 or di anochi, un outo a dal den un palu di lus na Kaya Ramona. E shofùr a deklará ku ela bai desviá pa algun kabritu i a pèrdè kontrol riba su stür i bai dal den e palu di lus. A konsekuensia di e choke algun waya di koriente a kai i a dal e pasahero levemente ku koriente. Ambulans a transporte pa hospital pa tratamentu médiko mas aleu. Shofùr di e outo tabata bou di influensia di alkohòl i a bai kuné warda di polis pa un ‘ademanalyse’. Ela haña un prosèsferbal i prohibishon pa kore di 2 ora.
HÒMBER HERIDÁ DEN KASO DI HINKAMENTU
Alrededor di algu pasa di 11.45 or di anochi riba djasabra 22 di mei, un kaso di hinkamentu a tuma lugá na Kaya Pos di Amor. Un dama a hinka un hòmber ku un kuchú. Ambulans a transportá e víktima pa hospital pa tratamentu médiko. A detené un dama den e kaso aki. Investigashon ta andando.
KIEBRO DEN RESTORANT
Entre djaweps 20 i djabièrnè 21 di mei, deskonosínan a forsa porta di un restorant situá na Kaya Prensès Marie pa drenta. E malechornan a bai ku entre otro un iPad kolo pretu i vários komestibel i bebida alkohóliko ku un balor estima di $2900. Ta investigando e kaso.
Share This
error: Content is protected !!