KRALENDIJK -5 di yüni próksimo, Boneiru lo yama bon biní bèk na buelonan direkto di American Airlines i Delta Airlines for di Miami i Atlanta, respektivamente markando un era importante pa nos isla. Despues di un temporada basta largu sin operashon dor di e pandemia, e dos aerolinianan lo resumí nan buelonan tur siman riba djarason i djasabra pa Boneiru. Esaki ta un bon notisia sigur pa bishitantenan di Merka ku tabata anhelá pa bishita Boneiru, pero tambe pa nos sektor turístiko i henter nos komunidat ku tabata anhelá pa nan yegada. TCB den kolaborashon ku Entidat Públiko di Boneiru (OLB), Bonaire International Airport (BIA), BonLab, Hestia, Bonaire Holding Maatschappij (BHM) i Bonaire Overheids Gebouwen (BOG), a añadí e posibilidat ku por hasi e tèst antigéniko na Bonaire International Airport pa biaheronan ku no por òf no a logra hasi e tèst antigéniko afó, 24 ora promé ku salida pa Boneiru. Banda di e tèst antigéniko, biaheronan mester presentá un resultado negativo di tèst di PCR, ku a laga hasi máksimalmente 72 ora promé ku yegada na Boneiru. Òf biahaeronan por presentá solamente un resultado negativo di tèst di PCR òf NAAT ku a laga hasi máksimalmente 24 ora promé ku salida pa Boneiru. Pa biaheronan ku ta sali for di Boneiru, tin tres fasilidat na unda por hasi e tèst. Mas aleu pa sigurá ku biaheronan ta komodo ora nan ta bishitando Boneiru, TCB den kolaborashon ku Bonaire Hotel and Tourism Association (BONHATA) i OLB, ta lansa un programa ‘Bonaire Friendly Safety Seal’ (BFSS). Pa por wòrdu rekonosé i pa risibí e serifikado di BFSS, negoshinan lo tin ku kumpli na diferente protokòl, pólisanan, i inspekshon ‘on-site’ kondusí pa personanan di trein pa hasi esaki. Ora ku e asesornan duna aprobashon, e negoshinan lo risibí e ‘seal’ ofishal di oro, kual lo mester wòrdu desplegá na e negoshi, i tambe riba nos website www.tourismbonaire.com p’ asina biaheronan por rekonosé e instansianan sertifiká. BFSS lo sertifiká un variedat di negoshi inkluso; akomodashon, casino, car rental operadornan di tour, operadornan aquatiko, taxi, restorant, trùknan di kuminda, pakus i spa / salon. “Nos a spera ansiosamente riba regreso di e buelonan direkto for di Merka pa Boneiru i a uza e tempu pa fokùs riba improvisashon di entre otro e programa nobo di sertifikashon BFSS, segun Marjolein Oleana, Business Manager na Tourism Corporation Bonaire. E medidanan lo sòru pa konsistensia den eksperensia di e bishitante ora nos yamanan bon biní na un manera safe, responsabel i bon organisá”.
Share This
error: Content is protected !!