SI NO AKTUA NA TEMPU, AKI PAR DI TEMPU E LO TA UN RUINA
KRALENDIJK — Ayera nos a tuma nota di un situashon preokupante pa loke ta trata fèlt di Juventus. Un fèlt ku a produsí tantísimo hungadónan di taya aki na Boneiru. Ta un lástima pa wak e fèlt aki den un estado ku ta laga hopi di deseá. Ta un bèrgwensa pa laga un fèlt asina aki para bai i kasi por kompletu e fèlt aki ta tapa na yerba i palu nan di sumpiña. Pa loke ta trata e kasita ku tin na e fèlt aki tambe ta den un estado hopi deplorabel. Mester remarká ku no ta solamente futbòl nan tabata hunga aki nan pero tambe a tene diferente kòntèst di fli na e sitio aki. Nos ta spera ku e instansia(nan) konserní por aktua rápido promé ku e fèlt aki bira un ruina kompletu. Ainda ta na tempu pa skaf e fèlt i kita e palu nan promé ku esaki nan krese i bira demasiado grandi. Kantidat di sushi tambe ta loke ta laga hopi di deseá tambe na e fèlt aki.
Share This
error: Content is protected !!