DIREKTIVA NOBO LO TUMA MANDATO E PROKSIMÓ 3 AÑA
KRALENDIJK – Direktiva di ‘Algemene Bond Van Overheids- En Overige Personeel’ (A.B.V.O.) ta informá miembronan ku segun stipulashon di artíkulo 9 di Statuto di e organisashon, dianan 8, 9 i 15 di aprel último, a tuma lugá nos di XII Kongreso Statutario. Pa duna kontinuidat di nos organisashon i den kuadro di nos reglanan vigente, miembronan a aprobá pa dia 25 di yüni benidero organisá un elekshon pa skohe un direktiva nobo di e sindikato pa e próksimo tres aña. Ta importante pa menshoná ku den e fase di preparashon pa e elekshon tuma lugá, bestür di A.B.V.O. mester kumpli ku entre otro artíkulo 2 di Reglamentu di Votashon (Kiesreglement) ku ta wòrdu regla den e Reglamentu Doméstiko di A.B.V.O. Den e artíkulo ta stipulá ku nos mester konfirmá individualmente ku kada persona si e ta miembro pa e 1 aprel di aña ku votashon ta tuma lugá. Konsekuentemente, Sekretario di Organisashon ta hasi un yamada na tur miembro di e sindikato, pa entrante 24 mei te ku 7 yüni próksimo tuma kontakto ku e personal na ofisina A.B.V.O. Un persona indiká lo informá i/òf konfirmá na kada miembro tur loke ta relevante enkuestion.
Share This
error: Content is protected !!