KRALENDIJK – Nos Isla Boneiru ta bai sera konosí ku un deporte mas ku ta “Rugby” ku ta konosí na otro pais nan, entre otro Europa tambe Hulanda ku ta nos pais madre.
Tres persona aki na Boneiru, di kua nan a hasi e deporte aki di Rugby pafó di Boneiru entre otro Kòrsou, mas leu den Europa.
Ta trata di Chrislaine Makaai ku a hunga Rugby na Bèlgika, tambe Varley Felipa I Edel Calmes ku a hunga entre otro den e tim nashonal di Kòrsou. Nan tres a lanta e federashon pa kuminsá pone e deporte aki riba pia, pero ku den future serkano lo tin mas hende den e direktiva. Aktualmente ta trahando riba dos tim, unu femenino i unu maskulino ku a mustra interes pa e deporte.Ta bon pa menshoná ku e interes a lanta enorme despues ku a publiká esaki riba FB. Talbes na Boneiru e deporte aki no ta hopi konosí ainda, pero den Europa si, entre otro Hulanda di kua tin basta Hulandes Europeo bibá aki na Boneiru.
Hopi di nan pa no bisa mayoria o tur ku a mustra interes pa e deporte aki, ta hendenan o sea deportista nan ku a hasi e deporte di Rugby na Hulanda o otro pais nan na Europa.
E interes ta hopi haltu aki na Boneiru, di kua ya tin dos tim ta trahando riba dje, di kua unu ta femenino i unu ta maskulino.
E tim nan aki tin nan number tambe kaba, di kua e tim femenino su nòmber ta Anchor Wolfs, e tim maskulino su nòmber ta Arawak. Mas tim logra yega na dje mas pronto ku ta posibel, mas mihó pa desaroyo di e deporte aki na Boneiru.
Ta bon pa esnan ku a mustra i nteres, sigui traha riba esakii forma nan tim.Ta bon pa no konfundí e deporte aki ku futbòl merikano.Esaki ta otro i ta mas liber ku e futbòl merikano ku nos konosé.E regal nan tambe ta otro. Futbòl merikano bo mester di protekshon bistí, e deporte di Rugby nò. E ta hopi distinto.
Aki na Boneiru ke kuminsá ku “Beach Rugby” I ya tin bista riba sitio pa esaki i ku ya a kuminsá traha tambe riba esaki.
Ta trata di e sitio Sorobon unda tin e felt nan di bolas i tambe futbòl. Esaki ta e sitio ideal pa e deporte di Rugby di Beach na e momentu nan aki pa kuminsá.Pero tambe tin otro sitio nan di ku a nòmbernan di algun hotel a keda menshoná pa esaki.
E federashon ta buskando felt nan unda ku nan por trein den siman tambe.Mayoria fèlt ta okupá ku futbòl Durante siman i ta solamente riba djadumingu nan a logra haña Fèlt Elion Flores pa nan por trein. Lo ta bon si nan por logra haña fèlt den siman tambe pa treinen, ya ku e interes ta lantando pa e deporte aki riba nos isla.No tin duda ku e deporte aki den futuro lo por bai hala tim nan di eksterior tambe pa bin kompetí aki riba nos isla i hala tambe turista pa nos isla. Esnan ku ta pensa na forma nan tim no duda, forma bo tim lihé i sigui traha riba esaki huntu ku e federashon pa nos lanta e deporte aki manda tòp riba nos isla.
Nos ta deseá e tres persona nan ku a bini ku e idea aki i lanta tambe e federashon di Rugby, tur pero tur klase di éksito.
Riba potrèt nan algun bista di e deporte aki di Rugby.
Share This
error: Content is protected !!