Kralendijk – Ultimo añanan desaroyo di personal a bira mas i mas importante. No solamente pa e trahadó, pero tambe pa e organisashon. Diferente investigashon ta demostrá ku trahadó ku oportunidat di formashon ta mas produktivo i ta duna un kalidat di trabou mas haltu. Nan ta kaba mas trabou den e mesun tempu i ta hasi ménos eror. No ta nada straño tampoko, pasobra e chèns pa forma su mes ta oumentá plaser di traha, motivashon i loyalidat di e trahadó. Un situashon win-win!
-MBO Bonaire ta prepará-
Ku desaroyo di trahadó ta importante, ta algu ku MBO Bonaire sa basta tempu kaba. Esei ta un di e motibunan ku nos tin hopi aña kaba ta ofresé trayektonan di ‘Traha i Studia’. Nos ta yama nan estudio BBL (Beroeps Begeleidende Leerweg). Den e trayekto studiantenan ta kombiná un trabou ku skol. Un (1) dia òf 2 anochi pa siman nan ta bai MBO Bonaire pa siña teoria di e fishi/profeshon. Despues di finalisá e estudio nan ta risibí un diploma MBO ofisialmente rekonosé.
E aña eskolar benidero MBO Bonaire ta ofresé 10 diferente trayekto BBL:
1. Kolaboradó Maneho Rekurso Humano
2. Tékniko instalashon elektrotékniko bibienda utilidat
3. Kolaboradó multifunshonal sistema i aparato IT
4. Eksperto sistema i aparato IT
5. Security guard
6. Asistènt Kuido i Bienestar
7. Trahadó pedagógiko kuido di mucha
8. Trahadó pedagógiko spesialisá kuido di mucha
9. Kòki
10. Kolaboradó di Sentro di kontakto
– Kolaboradó Maneho Rekurso Humano – Nivel 4 –
E estudio BBL HRM ta un profundisashon pa trahadónan ku ta okupá ku trabounan atministrativo di sosten. Trahadónan ku ta manehá dosié di personal i ku ta pèrkurá pa registrashon di dato.
Despues di e estudio e trahadó tin e kapasidat pa, ku konosementu i konfiansa, kontestá pregunta tokante kondishonnan di trabou, regla di empresa, slep di salario i CAO. Tambe e ta kapas pa duna informashon i konseho hurídiko na klientenan interno. Pa garantisá esei, legislashon laboral ta para sentral den e estudio.
Ainda tin lugá habrí pa próksimo aña eskolar. Laga bo trahadó i bo organisashon krese!
Mas informashon tokante e estudio akí ta optenibel aki:
-Mas informashon-
Bo ke mas informashon tokante e diferente trayektonan BBL i kiko esei lo por nifiká pa bo organisashon? Tuma kontakto sin kompromiso ku Ricela Hart via ricela.hart@sgbonaire.com òf via whatsapp +5997876077.
Share This
error: Content is protected !!