Defensa ta tene entre 26 di mei te ku 5 di yüni un ehersisio di yudansa di emergensia den kaso di un orkan riba Islanan Ariba. Den esaki spesialmente ta sentral pa praktiká movementunan logístiko di personal i ekipo. Defensa ta trein esaki ya asina e Militarnan por keda desplegá rápidamente i efikasmente na momento di un menasa real di orkan.
Despues di e transferensha den direkshon di Sint Maarten, Saba i Sint Eustatius, lo tuma lugá aktividatnan chikitu, repartí riba e diferente islanan. E unidatnan lo hasi uso di nan estadia tambe pa sera mihó konosí ku tur tres isla i e sosionan relevante establesé einan, tal manera organisashonnan gubernamental, organisashonnan no-gubernamental i empresanan ku ta desempeñá un papel importante den yudansa di emergensia. Ademas di esei no ta tuma lugá un gran senario di ehersisio riba Islanan Ariba.
Un asina yamá destakamentu previo lo bula riba djaweps 27 di mei, pa medio di e avion di patruyahe di Wardakosta (DASH8) desde Kòrsou, via Aruba bai Sint Maarten, pa fasilitá e yegada di e ‘forsa prinsipal’. Mayoria di e Militarnan partisipante ta biaha pa medio di un vuelo di charter òf barku desde Kòrsou via Aruba bai Sint Maarten, òf pa medio di un buelo charter for di Hulanda ku destino Sint Maarten. Dos destakamentu chikitu ta biaha pa medio di e avion di patruyahe di Wardakosta bai Saba i Sint Eustatius. E realisashon di tur e transferenshanan ta e meta prinsipal di e ehersisio pa orkan aki.
Mayoria parti di e 250 Militarnan ya kaba ta presente den Region Karibe i ta konsistí entre otro di unidatnan di Forsanan di Ehérsito Real (Compagnie in de West), Kuerpo di Marinir (Marine Squadron Carib) i e barku di Marina Zr.Ms. Pelikaan. Ademas tin presente na Sint Maarten permanentemente un destakamentu di Marinir. Dor di trein na Islanan Ariba, na momentu di un menasa real di orkan ta posibel pa direktamente despues ku esaki pasa, bai over na brinda e yudansa di emergensia i salba hendenan den peliger. Tambe den un situashon asina e Militarnan por sostené outoridatnan sivil i aportá den órden i siguridat públiko.
COVID
Den e preparashon i ehekushon di e ehersisio aki a tene kuenta debidamente ku e limitashonnan (pa biaha) ku e pandemia di COVID-19 ta trese ku n’e. Solamente personal ku un tèst negativo ta pèrmití pa partisipá na e ehersisio. Tur e sobrá reglanan adishonal di e Gobièrnunan di Sint Maarten, Saba òf Sint Eustatius, ta keda kumplí.
Share This
error: Content is protected !!