KÒNTRÒL DI ALKOHÒL DEN FUL SWING
Riba djaweps 27 di mei a tene un kontrol di konsumo di alkohòl riba Kaya Internashonal. Durante esaki a para shofùr di 91 outo I di 11 skuter, pa hasi un ‘blaastest’. Di e 102 shofùrnan, 4 mester a bai warda pa hasi e análisis di rosea.
Bo ta manehá bou di influensia di alkohòl? Bo por haña un but, un prohibishon (temporal) pa manehá, un kastigu di prizòn òf un kombinashon di e kastigunan aki. E kastigu ta dependé di e seriedat di e situashon. Bo ta enbolbí den un aksidente? E ora ei e chèns ku ta tèst bo pa uzo di alkohòl ta mas grandi ku durante di un kòntròl regular.
Lo sigui kontrolá regularmente riba konsumo di alkohòl den tráfiko.
A DETENÉHÒMBER KU TABATA DEN BRINGAMENTU
Den oranan di anochi, alrededor di 7.15 or riba djaweps 27 di mei, un bringamentu a tuma lugá na un snek situána Kaya Simon Bolivar. Na yegada di polis tabatin un hòmber ku tabata insultá polis i ku no tabata duna oido na òrdu di polis. A detené pa ámbos violashon menshoná. Ta trata di e hòmber di inisial E.G.B. di 51 aña di edat.
LADRONISIA DEN AKOMODASHON TURÍSTIKO
Riba djaweps 27 di mei, entre 1 or i 3 or di mardugá, deskonosínan a bai ku un tas di lomba di marka ‘Eastpack’ ku den dje entre otro un iPhone koló ros, for di den un akomodashon turístikosituá na Kaya Proud. Ta investigando e kaso.
KIEBRO NA LIMA
Den un kas situá na Lima, deskonosínan a kibra drenta i a bai ku entre otro un televishon, un iPad, tres iPhone, dos oloshi i sènkèsh. E kiebro a tuma lugáribadjárason, 26 di mei,mardugá, alrededor di 2 or. E kaso ta bou di investigashon.
MÈLDU
Bo ta testigu di un situashon sospechoso? Bo ta mira komportamentu sospechoso òf un echo kastigabel ta tuma lugá? Mester di yudansa mesora? Mèldu esaki na polis. Polis ta evaluá kiko e posibilidatnan ta pa tuma akshon.
UNDA MI TA MÈLDU KIKO?
Por mèldu tantu via number di telefòn 717 8000, 715 8000 komo na bali di warda di polis. Naturalmente bo por mèldu serka e agente polisial riba kaya tambe.
Bo ta preferá keda anónimo? E ora ei por uza e number di telefòn 717 7251.
Yama 911 den situashon di urgensia òf ora gara un persona ta kometé un akto kastigabel. Yama 911 ora mester di ayudo den situashonnan di bida òf morto. Ora señalá situashonnan sospechoso òf si bo ta testigu di un krímen. Òf por ehèmpel despues di un aksidente di tráfiko, kandela òf ora un hende ta kibra pa drenta. E ora ei kada sekònde ta konta.
Ku ken mi por yama?
911 (emergensia/gara)
717 8000 òf 715 8000 (no ta emergensia, pero mester di atenshon di polis)
717 7251 (liña di tep anónimo)
Share This
error: Content is protected !!