UN PIESA KU TUR INGREDIENTE PA BAI MERKADO INTERNASHONAL.
KRALENDIJK — Boneiru su farandula ta sigui move i ta kayente. Nos a hanja informashon di un fuente hopi di aserka ku Semi Marten lo ta rumbo pa Aruba djabierne awo pa graba un piesa huntu ku Buddylove di Aruba ku ta integrante di Buleria. E ritmo di e piesa aki lo bai ta un afro beat/zouk di kual lo bai aparese riba e EP di Semi. Demy Frans ta e persona ku ta e ingeniero tras di e proyekto aki. Jairo Evertsz un biaha mas ta e intermediado pa pone kosnan grandi sosode pa e isla di Boneiru. E piesa aki lo bai sali ku su videoclip pero ainda no tin fecha eksakto mirando ku Semi tin un otro piesa tambe pendiente ku Payola pa bai sali. Nos a kompronde ku Gerald Alberto tambe ta rumbo pa bai lansa su mesun EP tambe komo solista ku ta pa merkado internashonal. Ya ta konosi ku tur dos ta integrante di Payola i e piesa nan aki lo bai ta den repertorio di Payola tambe.
Farandula ta sigui ta kayente i artista nan Boneriano poniendo stap nan firme i grandi pa ku nan mes komo artista i tambe pa sigui promove Boneiru pa medio di nan musika.
Share This
error: Content is protected !!