Nos a dediká hopi atenshon na bario di Belnem poniendo bakinan di shushi na sitionan stratégiko pa e “Clean Up Drive Trough”.Fundashon Boneiru Limpi i Bunita den koperashon ku Selibon N.V. kier a yama danki na bario di Belnem ku a hasi bon uso di e oportunidat aki pa tene nan bario limpi i bunita.
E akshon a konsentrá riba shushi gròf i shushi di kurá, manera yerba, palu i blachi. Bario di Belnem su reakshon tabata hopi positivo riba e “Clean up Drive Through”. A kolektá un total di 1562 KG di shushi ku e habitantenan a depositá den e bakinan ku nos a pone na lugánan stratégiko den e bario.
E siguiente bario pa luna di yüni lo ta Nikiboko. Keda pendiente pasó bo bario tambe ta yega na bùrt.
Nos ke konsientisá e pueblo di Boneiru pa tuma e tempu di krísis aki pa sigui mantené nos medio ambiente limpi i bunita pa asina nos sòru pa un forma di biba saludabeli seif.
Share This
error: Content is protected !!