KRALENDIJK, – Flamingo Toastmaster Club dia 1 di yüni 2021 ta marka e fecha di 15 aña di eksistensia.
Flamingo Toastmasters Club for di aña 2006, a dediká su mes na yuda personanan bira mihó den nan abilidatnan di komuniká i liderá den un ambiente positivo kaminda ku miembronan tin e oportunidat di superá nan miedu di papia dilanti di un públiko i duna un presentashon i/òf mehorá nan abilidatnan di liderazgo”, asina TM Noritza Rosalia presidente di Flamingo Toastmasers club ta indiká.
Otro benefisio ta inkluí e oportunidat pa subi bo konfiansa propio, desaroyá abilidatnan pa pensa krítiko i bira un skuchadó efektivo.
Kontando ku 27 miembro aktualmente, Flamingo Toastmasters Club ta forma parti di Distrito81, ku ta dirigí hinter e área di islanan di Karibe.
Na honor di e okashon di 15 aña di e klup, ta bai tin un selebrashon virtual riba e plataforma di Zoom, djasabra 5 di yüni 2021 próksimo.
Pa medio di esaki nos kier a ekstendé un invitashon na tur persona interesá pa mehorá nan abilidatnan di tantu komunikashon komo liderazgo i sinti kiko Flamingo Toastmasters Club por nifiká pa nan, registrá pa e evento online aki via di imeil tcflamingo@outlook.com
Flamingo Toastmasters Club ta reuní kada di dos (2)i di kuater (4) djasabra di luna, na e momentunan akí temporalmente pa medio di Zoom. Pa mas informashon por bishitá nos riba Facebook: Flamingo Toastmasters Club.
Tokante di Toastmasters International
Toastmasters International ta un organisashon edukashonalnon-profitku klupnan rònt mundu, ku ta empoderá personanan pa nan bira lider i komunikadónan mas efikas for di aña 1924. E sede prinsipal ta na Engelwood, Colorado i total ta surpasá 364.000 miembro, mas ku 16.200 klup den 145 pais.
Por haña mas informashon di Toastmasters International riba e wèpsait www.toastmasters.org òf siguiendo riba Twitter@Toastmasters
Share This
error: Content is protected !!