KRALENDIJK-Rainick Thode Fin di siman tras di lomba a sali ganadó apsoluto den e kompetensia di ponementu fever aya na tereno di APEM. Rainick ta yu di Mack Thode kende resientemente a bai sosegá den brasa di Señor. Un kompetensia kaminda 10 persona a kompetí kontra otro i un di nan tabata un konosido persona Jenny Martis di Korsou. Ta trata di un kompetensia kaminda mester a maneobrá entre diferente tayer i esun ku pasa e ruta mas rápido, ku ménos sekònde ta gana. Pa hasi esaki e koredó di motosaikel mester di hopi dominio pa e maneobrá su motosaikel. Rainick no ta un deskonosí, komo persona ku ta dominá motosaikel hopi bon. For di edat di mucha chikitu, su tata tabata siñ’é atendé ku motosaikel i for di mucha meskos ku su rumannan, e tin bon dominio pa motosaikel. Fanatikonan a biba kuné momentu di e kompetensia. Hendenan sa ku e tin bon dominio di motosaikel. No tabata fásil pa el a pasa pa final i gana, sinembargo por a mira ku e tabata maneobra ku bon dominio, e paseo mei mei di e tayernan pa final di e ruta.
Share This
error: Content is protected !!