DON ANDRES TA AMPLIA NAN FLOTA DI BARKU PA TRESE KARGA
KRALENDIJK — Awe tardi pa masomenos 4or e barku nobo den e flota di Don Andres a hasi su entrada pa prome bes aki na Boneiru. E barku aki ta karga e nomber Hermano Mirlo. Hermano Mirlo ta un famia di e doño nan di Don Andres ku hopi tempu pasá a pèrdè riba laman i nunka mas a regresá. Pa ku esaki nan a duna honor na Hermano Mirlo i a duna e barku e nòmber aki. E barku nobo aki ta kasi mesun grandi ku e doña Luisa pues ta un di esnan mas grandi den e flota di barku di Don Andres. Mas aleu sr. De Jong a duna di konose ku mirando desaroyo i kresementu na e isla nan ruman, a yega tempu pa amplia e flota pa sigui brinda e tremendo servisio kumstumbrá di Don Andres. E barku a yega sin karga, pues ela bini pa keda algun dia na Boneiru mirando ku ainda eno tin rampa pa baha karga na nos waf. E rampa ta kedando kla na Hulanda pa asina nan mande pa instalé riba e barku aki pa e por bin trese karga Boneiru. Gezaghebber Edison Rijna a hiba palabra na e okashon aki i alabes a duna e kapitan abordo un bandera di Boneiru pa asina por hisa esaki ora drenta waf siguiente biaha.
FUENTE: LIVE 99 FM
Share This
error: Content is protected !!