LO DESAKTIVÁ TUR TARHETA DI DÉBITO BIEU ENTRANTE 15 DI YÜLI 2021
KRALENDIJK: Aña pasá Banco di Caribe a introdusí su Mastercard Debit Card. E tarheta di débito nobo ta unu moderno, i ta konta ku sosten di e plataforma di Mastercard i di Maestro pa e kliente por hasi tur transakshon ku e ta kustumbrá kuné; swipe i lanta sèn rònt mundu usando e fondonan ku e tin riba su kuenta koriente òf di spar. Adishonalmente, e tarheta nobo tin e opshon di pago ku chep i ta programá pa hasi transakshon na un distansia kòrtiku, estilo di ‘Tap-and-Go’, na un mashin di pago.
NOTA IMPORTANTE:
Banco di Caribe ta pidi klientenan ku a risibí e tarheta i no a aktiv’é ainda, pa hasi esaki promé ku 15 di yüli 2021 pa por sigui hasi uso di e servisionan di ATM i mashin di pago. Tuma nota ku despues di e fecha menshoná lo blòkia tur tarheta di débito bieu di Banco di Caribe ku ta aktivo ainda. Ta sumamente importante pa aktivá e tarheta nobo, pa evitá kualke inkumbiniensia. Ta pidi koperashon di tur kliente na Aruba, Boneiru i Kòrsou
MAS PREGUNTA? TUMA KONTAKTO!
Si tin kualke pregunta relashoná ku e tarheta di débito nobo, por konsultá e sekshon di pregunta i kontesta rápido riba bancodicaribe.com òf yama e departamento di Customer Support na 717 7595.
Share This
error: Content is protected !!