Konsiderando e obligashon di informashon pa ku konseho y e pueblo en general , Frakshon UPB ta hasi usu di art. 45 insiso 3 di reglamentu di Ordu ku kontesta verbal den e proksimo reunion de Konseho Insular.
Pregunta 1. Diputado ta na altura ku konseho Insular di Boneiru a risibi e TourismRecovery Plan dia 4 di Juni 2021
Pregunta 2. Ta berdad ku E plan aki a wordu elabora ku input di diferente Stake Holders ?
Pregunta 3. Kiko meta di e plan enrealidad ta ensera ora ku ta hasi usu de menshon di turismo di kalidad/ turismo di klase ?
Pregunta 4. Diputado por splika den ki forma e plan aki lo benefisia Boneiru? Kiko lo hasi pa re- emplasa entrada nan ku lo perde, tambe kon
lo bai juda kompania ku a perde sen? y ku ta berdad ku e plan aki ya ta kanando kaba kaminda ta konosi tambe ku a redusi e kantidad di barku di turista es decir redukshon den turismo krusero.
Pregunta 5. Kon Diputado ta kere di por hasi rekuperashon di e merkado nan eksistente? Halsando e konsumo promedio sin limita ni desminui partisipashon di komunidad.
Pregunta 6. Diputado ta kere ku den e periodo di pandemia aki por bini ku plan nan nobo ku kier kambia nos forma di turismo?
Benefisiando un grupo chikitu sektor hotelera mientras pueblo lo sufri di e konsekuensia nan .
Pregunta 7. Kiko ta invershon na ku a wordu hasi riba e terreno di servisio nan pa ku e turista?
(sektor horeka, hotelera y transporte)
Pregunta 8. Diputado tin sifranan ku ta mustra kuantu e persentage ta di persona nan ku ta biba direktamente o indirektamente di turismo ?
Pregunta 9. Tin estudio nan hasi ku por komproba ku e oumento den barku di turista posiblemente lo a hasi of a hasi danjo na nos eco systema ?
Pregunta 10. Partisipashon di komunidad den desaroyo turistiko y konserva nos indentidad y kultura ta importante pa krea turismo duradero.
Diputado por splika kon kumindad a partisipa den e plan aki?
