Kralendijk, 8 di sèptèmber ta dia internashonal di Alfabetisashon. E dia akí t’ei pa kòrda
tur hende kon importante ta pa alfabetisá. No solamente pa e persona mes, sino tambe pa
e komunidat kompleto.

Un analfabeta funshonal ta un persona ku por lesa i skibi un tiki, pero no sufisiente pa atendé su
asuntunan di tur dia. Ku e persona no por lesa ni skibi sufisiente tin un impakto grandi den su
bida. Mayoria hende no ta para ketu kuantu biaha bo tin ku lesa riba un dia. Tambe ora di buska
trabou òf mantené un trabou e persona analfabeta funshonal por enkontrá problema.

Alfabetisashon ta mas ku siña lesa i skibi. E ta mehorá e adulto su abilidat komunikativo i amplia
su balor propio. E lèsnan na FORMA ta na midí. Kada persona ta traha riba nan propio metanan.
Na momentu ku e persona logra un meta e ta haña un sertifikado. Esaki ta un logro pa e persona
i algu pa e ta orguyoso di dje, tambe esaki tin bentaha pa su doño di trabou.

Den lès ta usa diferente método i manera di traha, asina e adulto ta praktiká entre otro ku lesa i
skibi. Tambe ta trata temanan ku ta importante den bida diario, manera paga resibu. FORMA ta
usa dos programa digital, den kua ta trata diferente tema, alabes e adulto ta praktiká ku lesa i
skibi: Alfabeter i Notinèt.

Pa medio di Alfabetisashon, FORMA ta traha huntu ku e adulto analfabeta funshonal na un mihó
futuro pa su mes i e komunidat di Boneiru.

Share This
error: Content is protected !!