KRALENDIJK — Na momento ku mi a lesa e artikulo tokante di benta di tereno boi preis na sunset beach a keda un smak masha armargo den mi boka. Dikon? Ta bende tereno ku tur hende libramente e boneriano ku mester di un pida tereno porta di 20 pa 20 meter kuadra of menos pe traha un kas chiki pa su famia. No bin ku niun klase di eskus mas. Bo por pone tereno si na erfpacht. Dus bo no a bende I e ta keda di pueblo.

Tin hende riba lista pa 20 ana kaba. E kontesta ta simpel boso no ke pa e pueblo hana niun pida tereno.Mester keda hur kas meskos ku hulanda te dia nos muri. A Pone reglanan estrikto ku un hende no por yega na un fiansa of hipotek pa traha un kas mas. Fundashon kas boneriano tabata yuda esun menos pudiente ku un hipotek chikitu pa por yega na  un kas toch. Esaki nunka mas lo ta e kaso. Mester keda mane hulanda ku ta hur un kas pa eternidad paso tin toko den toko. Esta sen di hur I subsidio ku ta saka ta keda den saku di estado sea via un stichting of loke sea ku estado mes a krea pa regla esaki

Ta parse mane ke forsa nos bai un beach tambe ku gobiernu ke I no esun ku pueblo tin derecho reserva riba dje. Pa kolmo esnan ku a kumpra tereno aki na Boneiru ta sera akseso pa laman mane nan ta dono di Boneiru.

Ora un yui di tera ker a traha un pier I hotel na un sitio a grita huma I kandela I bai hues para tur kos. Unda e mesun grupo aki ta ora ku e supuesto mandatarionan I sobra ke viola derecho di pueblo? Ke kita e beach pabou di airport pa duna hotel of loke sea ta bai hasi kune? Ke kita akseso di pueblo pa bai laman?Unda stinapa ku sea turtle conservation ta pa proteha e aria aki si ku turtuga ta broei? Lanta kortina di huma ku holo stinki pa drecha fornu di kalki den boka di pueblo I dune nomber kambia ku ta bachelors beach pinte nechi sin ku nos pueblo por Analisa e berdad di e mentira ku nan ta pinta. Ora un kos ta muchu bunita pa ta berdad ta paso e no ta berdad. Ki falte den su posishon actual? Ta un bon trapi so e falta paso parkeer tur hende por parkeer Pues? Kua politico lo garantisa nos ku majan no ta kohe esaki tambe bende I manda nos unda nan ke? Esaki ta chiki tambe. Muchu hundu pa mucha I hende ku no sa landa.

Clark I Desi a kuestiona asuntu tereno I sobra ta uni tras nan lider I skonde kara. Ki tipo di konseho insular nos tin? Algun hende ta skibi lanta kortina di huma hunga historiado, hues imparsial pero ora bo analisa nan ta na fabor di Gobiernu hulandes. PUNTO

E tiki boneriano ku keda lo para kaba na nada. Esnan ku ta bisa ku nan ta 100% boneriano ta kana zwaai ku paspoort hulandes.Dikon paso tin benifisionan mara na dje.James Finiesku ta e profeta boneriano nunka lo wordu skucha na su mes isla.Ela atverti kaba I ta hanando rason dia pa dia.Mandatarionan ta kompletamente fix ariba e saku di plaka ku ta kologa nan dilanti I no riba interes di pueblo.Nashon Uni ta bai tras di esun ku ta aporta ku mas sen den kaha.Pues e pueblo boneriano por bien lubida ku nan lo sali na nos derecho. E menoria den nashon uni kisas ta nos tras pero mester di mas pa por vota PRO.

Ta priminti 10 ana largu kaba ku lo hisa e salario minimo. Tin rapport tras di rapport, estudio tras di estudio I te ainda no por duna esnan ku ta pena un alivio. Promesa di mester por inklui minimo social den akuerdonan? Atrobe ta kohe makaku ku bakoba ku ta mustra gordo pero ta yen di airu bashi pues sin balor.Ta hungaku sintimentu di pueblo ku promesanan faslu. Pero nunka ta kristalisa pa kaba. Te na momento ku hopi di nos grandinan lo muri I pasa pa historia. Nan no ta kapas tampoko pa krea kupo di trabou pa hobennan. Ora wak unda nos hobenan bon studia ta bo ta mira nan sinta ta frustra tras di kaha na warehouse, vd.Tweel I otronegoshinan paso no tin trabou adekua pa nan.Awor tur esnan ku ta grita ku nan ta na fabor di e pueblo aki I hubentut a yega tempu pa demonstra esaki. Si bo no por hasi esaki anto tuma honor na bo mes I baha komo konsehero, konseho insular of mandatario di e isla aki.

I laga pa esun si ku ta kapas hasi esaki.Loke mi ta konseha ta ora bo bai vota atrobe pone den balansa kiko kada politiko a hasi berdaderamente.Pensa bon sibo a bai dilanti den bo forma di biba I korda ku ken si I ken no a sali I bringa pa bo derechonan. Sino e pobresa kubo ta pasa awoki lo keda pa largu tempu i nada lo kambia.

Un suidadano konosi pa tur miembronan di prensa.

Share This
error: Content is protected !!