Relashoná ku e desaroyonan rondó di Prevenshon pa COVID- 19 aki na Boneiru, nos ta limitá na ofresé algun servisionan. Esaki mirando nos grupo di enfoke, ku ta un grupo vulnerabel i banda di esaki, e distansha sosial ku mester tene, segun e medidanan pa prevenshon.

 

Entrante 08 di sèptèmber 2021 nos a kuminsá ku ‘noodopvang’ pa nos grandinan. Kaminda un grupo selektá so lo reuni huntu i sobra klientenan lo risibí kuido na nan kas mes. Pa e parti di servisio di transporte nos ta pidi si klientenan por bisti nan tapa boka. Tambe e parti di bishitanan sosial na kas di kliente lo ta limitá.

 

Bandi di esaki nos kier informá ku nos aktividat pa selebrá dia di Boneiru ku nos grandinan a keda posponé. Esaki pa evitá e parti di aglomerashon di persona huntu.

 

Pa mas informashon òf pregunta, por tene kontakto ku ZW- Groep na info@zwgroep.org òf 717- 5765. E situashon lo keda di e forma aki, te ku proksimo aviso. Nos ta pidi nos diskulpa i komprenshon pa esaki.

Share This
error: Content is protected !!