Kralendijk – Krio di kabritu profeshonal na Boneiru kada biaha ta bira mas mihó. Den e kuadro akí e wikènt di 9 i 10 di òktober tabata dediká na oumento di konosementu riba tereno di krio di kabritu. Debí na un asistensia grandi di kunukeronan, dentro di poko e servisio di Agrikultura, Krio di Bestia i Peska (LVV) lo organisá mas tayer.

Bou di guia di e oradornan Ing. Edward Berben (anterior hefe di LVV) i Ing. Sherwin Pourier (lider di proyekto di Krio di Bestia Profeshonal) a trata vários tema.

Tópikonan importante ku a bini dilanti tabata mehorashon di rasa, nutrishon, unda pa pone e bestianan i marka di kalidat. Tabatin un parti práktiko tambe kaminda a mustra i papia tokante karakterístikanan pa selekshon di bon kabritu muhé pa produsí lamchi. Selektando e mihó kabritunan muhé, pa medio di kastamentu ku chubatunan di rasa lo produsí bunita lamchi. E lamchinan akí tin karni moli i por bende nan pa un mihó preis.

Pa medio di refreská i oumentá konosementu di nos kunukeronan, servisio di Agrikultura, Krio di Bestia i Peska (LVV) ta spera di reaktivá krio di kabritu.

Share This
error: Content is protected !!