Pastor Ivan huntu ku Komishon di Santana di Rincon, kier a rekordá un i tur ku aki dos siman ta dia di tur nos defuntunan.

Pa tal okashon Santana lo ta habri tur dia pa asina tur hende lo por yuda ku limpiesa di e último lugá di sosiegu di nan ser kerí.

 

Ta pidi tur donjo nan di kelder pa kuminsa ku limpiesa rondo di kelder di nan ser keri nan.

Ta un lastima pa bisa ku ta un berguensa pa mira kon tin famia ta dera nan defuntu i no ta ni bira wak patras mas pa ku e kelder di nan ser keri.

Tin di nan ku asta e krans nan di for di entiero a keda den e mesun posishon ku a pone nan i bai laga nan atras.

 

Komishon di Santana kier a rekorda tur famia ku nan ta responsabel pa tene rondo di nan kelder limpi.

Kuminsando djaluna 18 di oktober tin e oportunidat pa kuminsa ku limpiesa rond di bo kelder.

Ta pidi na kada persona ku hasi nan kelder limpi pa deposita esaki nan na un manera responsabel parti suit den Santana di manera ku nos por laga limpia esaki den un bes.

 

Alabes ta partisipá ku e djamars 2 di november pa 06:00 or lo tin un Santu Sakrifisio di misa na misa mes pa tur nos sernan kerí.

Pa intenshon pa misa pastoor lo avisa den misa serka kual persona nan por akudí pa pidi intenshon pa misa i skirbi nòmber di bo defuntu.

Kòrda ku Santana ta un lugá kaminda ku nos tur un dia lo mester bai aden, ta p’esei laga nos yuda kontribuí pa tene e Santana aki limpi, tantu pa nos mes komo pa nos sernan kerí ku ta sosegá den dje.

Si nos kada un kolabora i tene nos kelder i 50 cm rond di dje limpi santana lo keda basta limpi.

Share This
error: Content is protected !!