Kralendijk – E Sushi òf Dushi Kliko Challenge ta un proyekto pa komunidat kaminda naturalesa i sostenibilidat ta sentral. E organisashon di e Sushi òf Dushi Kliko Challenge ta buskando hóbennan entre 12 i 18 aña di edat pa pinta un kliko huntu ku studiantenan di Scholen Gemeenschap Bonaire, riba dia 23 di òktoberfor di 8:30 a.m. na Hòfi Kultural. Pa e kliko nan mas bunita pintá e skolnan i hóbennan por gana un premio.

 

E proyekto aki ta un inisiativa di Wereld Natuur Fonds, Entidat Públiko di Boneiru i Selibon N.V. den kolaborashon di Tourism Corporation Bonaire, STINAPA i Fundashon Plataforma Kultural. E Sushi òf Dushi Kliko Challenge ta un proyekto pa hasi hóben i adulto mas konsiente di e importansia pa kuida nos naturalesa, Boneiru su rikesa i pilar mas importante di ekonomia.

 

Famoso artistanan lokal lo guia tur hóbennan pa traha un diseño úniko pa kada kliko i den gruponan lo transformá e kliko bèrdè den un kreashon bunita. STINAPA tambe lo duna un lès tokante naturalesa i dikon mester depositá i separá shushi na un manera korekto. Riba e dia di pintamentu e organisahshon lo proveé kuminda i bebida pa e studiantenan i artistanan.

 

Diferente huradonan lo huzga e klikonan pintá riba dia 5 di nòvember i komunidat di Boneiru tambe por vota riba social media. Lo duna premionan na e skolnan i studiantenan pa e klikonan mas favorito. E premionan pa hóbennan ta un tour di Salty Tours i 4 tiket di watertaxi pa bai Klein Boneiru di Caribe Watersport. Inskrisphon pa e Sushi òf Dushi Kliko Challenge ta posibel via dongenmimi@gmail.com òf por manda un WhatsApp na +5997963512 promé ku dia 21 di òktober.

 

FOTO: KENNY RANKING

Share This
error: Content is protected !!