Kralendijk – Ku hopi asombro mi ta tuma nota den medianan deklarashonnan infundá di sr. Flanklin Domacasse den direkshon di sindikato ABVO.
Na varios okashon presidente di ABVO Boneiru sr. Robert Sances a duna di konosé ku kada trahado tin su derecho fundamental di skohe loke e haña ta bon.
Algun tempu pasá a tilda sr. Fefe Raphaela di ta kampañá na fabor di ABVO, a hala su atenshon, a pone ku a kita outu di servisio for di dje, siendo ku tur mainta sr. Franklin Domacasse ta den kabes di esnan ku si ke keda ku ABVO. Anto e si usando su truk pa kore kampañá. 
Menasa ta bini berdat pero riba trahadónan ku no ke bandona ABVO mas. Ta ken ta manda yama trahadonan ku no ke bandona ABVO na Kaya Korona kaminda tin un bandera tur frañá ta bula??
 
Varios di e trahadonan despues di a buska informashon, a deshasí di e idea di bandoná ABVO.
Aki por mira klaramente praktikanan di Odio i vengansa ta tumando lugá. Un punto hopi remarkabel ta ku e terminonan i palabranan usá den e deklarshon di sr. Domacasse no ta su propio palabranan. Ku tur respet e konstrukshon di frasenan usá, por saka konklushon di unda e bientu ta supla.
Biniendo riba otro instansianan menshoná den Domacasse su deklarashon, tur hende por nota ku manera Stinapa, Global Contour, BonLab….a keda pará mesun kaminda sin por tin un CAO nobo.te awe.
 
Sr. Domacasse ta sembrando rabia i odio bou di su koleganan. A yega asina leu ku dos dia pasa un trahado a koba mama di presidente di ABVO  Boneiru. Esaki naturalmente ta indika ku e lucha pa sembra rabia ku Franklin Domacasse ta hiba, ku mandato di su konseheronan frakasá. Si bo ta biba den kas di glas, NO TIRA KU PIEDRA i sigur no bai den e direkshon pa hasi e kos personal. Keda hasi bo kampaña limpi i bunita.
 
Tur kos ta mustra ku forsanan diabóliko ta tras di e kampaña sushi i baho ku ta hiba kontra di sindikato ABVO.
 
Ta ken ta esnan ku ultimamente ta saka komunikado kampañando den un forma baho?????
 
Un konseho mi ke manda pa tur ku tin derecho di voto den referendum pa skohe konsiente i no emoshonal ni tampoko bai tras di informashonnan ku no ta kuadra.
 
Domacasse ta un nomber ku bo mester karga ku honor i no pa ser usá pa hala garoshi di  vengansa, sembrando odio pa otronan ku den pasado a frakasá. 
ABVO ta duna sr Franklin Domacasse te ku 6or di awe tardi pa rektifika. sino ABVO lo tuma paso nan huridiko den korte den su kontra.
 
Robert Sances
Presidente ABVO Boneiru
Share This
error: Content is protected !!