Djaweps 21 di òktober durante trabou di reparashon di kaminda den Kaya Roma algun kabel prinsipal di TELBO a keda kibrá. Esaki a okashoná interupshon di servisio pa klientenan di Kaya Roma, Kaya Brucelas, Kaya Berlin, Kaya Triton, Kaya Andino, Kaya Misoa, Kaya Bachaquero, Kaya Castor i Kaya Ganimedes i besindario. Mes momentu ku TELBO a konstaá e kiebro di kabel a kuminsá ku trabou di reparashon. Pero mirando situashon di tempu i e daño grandi kousá na varios kabel, e trabounan di reparashon a dura algun dia. Djabièrnè 22 di òktober algun kliente a kuminsá risibí servisio atrobe. Djasabra 23 di òktober TELBO lo tin tur sobra kliente den e area ariba menshona konektá riba e ret di fiber.

 

Share This
error: Content is protected !!