Kralendijk – Gezaghèber Edison Rijna a prolongá e medidanan di corona di nivel 2 te ku 2 di desèmber di e aña akí. Ku e kantidat aktual di kontagio i kuido disponibel pa pashèntnan di COVID-19 na Fundashon Mariadal, no tin motibu pa tuma medida mas pisá awor akí. E kantidat di kontagio ta bahando pokopoko tambe. P’esei ta prolongá e medidanan ku ta na vigor awor akí ku un luna mas.
Awor ku ta prolongá e medidanan, pa enkuentronan privá por ehèmpel ta konta ku maksimalmente 50 hende tin mag di ta presente. Pa evento ta konta un máksimo di maksimalmente 100 persona i tin mag di utilisá 50% di e kapasidat. Negoshi di hóreka tin mag di ta habrí te 00:00 or i tin mag di kanta i baila pafó na e negoshinan ei. Pa un bista general di e medidanan ku ta keda na vigor: www.bonairecrisis.com

Share This
error: Content is protected !!