Entrante  1 di novèmber Biblioteka Boneiru ta amplia su orario. Di awor en adelante bo por bai Biblioteka riba djasabra tambe entre 8 or i 12 or i riba dia di trabou durante pousa pa lùnch tambe pa fia buki, buska informashon, kopia dokumento i potrèt i pa hasi uso di e hopi kòmpiuternan.
Orario entrante 1 di novèmber 2021:
Djaluna          12.00 – 17.00
Djamars        08.00 – 17.00
Djárason       08.00 – 17.00
Djaweps        08.00 – 17.00
Djabièrnè      08.00 – 16.30
Djasabra       08.00 – 12.00
Bo sa ademas ku bo por hasi uso grátis di e biblioteka online ku un abono di nos Biblioteka? Den e biblioteka online (www.onlinebibliotheek.nl) bo ta haña mas ku 20.000 novela na hulandes i ingles i buki informativo. Bo por download tambe e ‘App tijdschriftenbieb’ i e ora ei online bo ta lesa e revistanan di mas nobo. Algun ehèmpel di e títulonan: Vrij Nederland, Ariadne at Home, Eigen Huis en Interieur, Autoweek, Happinez, Margriet, Psychologie, Story, Nouveau, Happi-kids, A World of Culture.
Ku un abono di nos Biblioteka bo ta hinka henter mundu den bo kas!

Share This
error: Content is protected !!