KRALENDIJK – Riba djaluna 4 di oktober  2021, Qredits huntu ku Fundashon Forma a otorgá 9 sertifikado na e kursistanan ku a finalisá e kurso Skol pa Empresario (‘Ondernemersschool’).

Ku un sintimentu di alegria i orguyo e9 kursistanan a risibí nan sertifikado. E biaha aki nos aselebrá e ortogashon di sertifikado den un esfera ameno ku un grupo mas chikí ku kustumber. Dilanti di e  dosentenane kursistanan a wòrdu apoyá pa nan logro i enkurashá pa sigui ku nan metanan pa asina garantisá éksito di nan empresa riba término largu. Esaki tabata e di 7 edishondi ’Ondernemersschool’na Boneiru,kaminda 9 kursista a logra finalisá e kurso.

Skol pa Empresario ta un inisiativa di Qredits ehekutá dor di Fundashon Forma.
E kurso tabata un trayekto di 12 siman dirigí dor di e dosentenan sr. Phartuchand Martha i Maideline Martijn. Tambe den e 12 simannan aki tabata tin 5 workshòp dirigí dor di e dosentenan sra. Flora Wijnand, sr. Jefferson Rosalia i sra. Maraguanela Martis .

Durante di e kursoe kursista a siña entre otro kon pa formulá su propio mishon i vishon, kon pa analisá su mes komo un negoshante, kon pa analisá su negoshi deseá, kon pa posishon’é riba merkado, kon pa analisá e merkado i kua strategia mester wòrdu usá. Tambe nan a sigui e kurso aki pa medio di un programa digital, esta ‘E-Learning’, ku ta yuda stap pa stap pa traha un plan di negoshi.  Na final di e kurso, e kursistanan a presentá nan plan di negoshi pa medio di un ‘pitch’ dilanti di un pènel di ekspertonan representando Qredits iKamara di Komersio i Industria Boneiru. Den e pènel nos tabata tin tambe un representante di Entidat Publiko di Boneirui un empresario eksperensiá.

Pa medio di e kurso aki Qredits huntu ku Fundashon Forma, kier desaroyá i stimulá kualidatnan empresarial den e komunidat di Boneiru i pa asina garantisá desaroyo ekonómiko duradero.

Pa mas informashon i pa hasi aplikashon

Pa mas informashon tokante di e kurso Skol pa Empresariopor manda un e-mail na bonaire@qredits.nl òf info@fundashonforma.com

Share This
error: Content is protected !!