Bonaire Human Rights Organization i su sekshon “Hóbennan pa Derecho Humano Bonaire” den kolaborashon ku fundashon Nos Ke Boneiru Bèk I Global Entrepeneurship Week ta organisá e di dos anochi di pelíkula ku e tópiko di ‘Konsientisá i empoderá’.

Durante di e prome siman di novèmber Global Entrepeneurship Week ta organisa evenemento pa inspirá tur hende, for di hoben te ku nos grandinan, pa diskubri nan potential komo empresario i inovador. E evenmentonan lo kubri di ‘networking’ intimo te ku kompetensianan di skala grandi, konektando partisipante ku mentor i empresarionan pa asin’ei tur hende ta

enkontra posibildatnan nobo. Global Entrepeneurship Week ta lucha pa empoderá pueblo den area finansiero, Bonaire Human Right Organization ta lucha pa empoderá pueblo den areanan politiko i konsenshi publiko. I pa e motibu aki e dos organisashonnan aki ta kolabora pa trese e sigiente edishon di e seri di sine ku e tópiko di ‘Konsientisá i empoderá’

Tur pelíkula den e seri akí lo duna atenshon na talento lokal, talento karibense i talento

afroamerikano. Ta importante pa den e tempu globalisá akí nos reflehá riba nos mes kultura i pasado, i pa medio di e seri di sine akí nos ke logra pa prinsipalmente hóbennan sera mas konosí ku e ideanan di hende ku ta parse manera nos i ta pasando den situashonnan komparabel ku nos.

Djasabra benidero, 6 di novèmber 2021, pa 7-or di anochi na Plaza Wilhelmina nos ta sigi e seri di sine ku e pelíkula ‘Buladó’. E pelíkula ta trahá na Kòrsou dor di e direktor Eché Janga ku aktornan Tiara Richards, Felix de Rooy i Everon Jackson Hooi kual tur ta yiu di Kòrsou. E pelíkula Antiano aki a kapta atenshon di publiko kritiko rònt di mundu, ganando e titulo ‘Miho Pelíkula’ na Nederlands Film Festival 2020 i e titulo ‘Miho Pelíkula Narativo’ na Montreal

International Black Film Festival.

E pelíkula ‘Buladó’, ta e storia di Kenza, un hoben di 11 aña, kua su mama a fayese. Lamentando su mama, Kenza ta hañ’é mei mei di e problema entre su tata i su welo, kua tin dos manera kompletamente diferente pa prosesá e morto. Kenza su tata, Ouira, ta un homber rashonal i moderno i su welo, Weljo, ta un homber spiritual i tradishonal. Kenza, siñando for di tur dos, ta buska su mes un manera di biba.

Tur hende ta bon bini diasabra awor 6 november den Parke Wilhelmina pa 7or sine gratis i lo sigui tuma lugá kada promé djasabra di luna i lo no kosta nada.

Share This
error: Content is protected !!