KAMINDA KU TA SLEP A KOUSA KAIDA DI SHOFÙR DI SKUTER

Riba djamars 2 di novèmber sentral di polis risibí notifikashon di un aksidente riba Kaya C.E.B. Hellmund den kua tabatin dos skuter enbolbí. Na e sitio shofùr di e promé skuter a deklará ku el a bai wanta brek nèt promé ku un drèmpel, i komo ku kaminda tabata muhá, a slep i kai. E shofùr di e di dos skuter a deklará ku na momentu ku el a mira e promé shofùr kai, e tambe a wanta brek diripiente i e tambe a kai. Ambulans a transportá ámbos shofùr pa hospital pa tratamentu médiko.

 A KONFISKÁ BUS DURANTE DI KÒNTRÒL EN KONEKSHON KU RESTRIKSHONNAN DI CORONA

Wikènt tras di lomba a hasi kòntròl na vários sitio den kuadro di kumplimentu ku e restrikshonnan di corona. Na Pink Beach a bin topa ku un multitut di hende. Tabatin un bus tambe for di kua tabata bende bebida alkohóliko i kos di kome. Dilanti di e bus tabatin dos spiker ku tabata saka muzik duru. A konfiská e bus i e spikernan. Dos establesimentu nokturno , un situá na Hanchi Amboina i un situá den Kaya Grandi, a haña un prosèsferbal komo ku nan no a kumpli ku e orario di sera di 12 or di mardugá. Na Seru Largu tambe a topaku un grupo grandi di hende; a pidinan pa bandoná e sitio. Durante esaki a konfiská un spiker pa por a para molèster di zonido i pa plama e grupo di hende. Na un bar na Tera Kòrá a hasi un kòntròl den kuadro di Lei di Opio BES. Aki a topa un persona ku probablemente Xtc. A destruí e píldora. A sera Centrumgebied pa por a manehá e aglomerashon.

 MOLÈSTER DI VEHÍKULO DEN BARIO

Polisnan di bario a nota ku tin basta molèster kousa dor di vehíkulonan ta tuma lugá den barionan. En konekshon ku esaki paso a paso lo kuminsá ku kòntròl mas intensivo den barionan residensial. E barionan Nort Saliña, Hato, Nawati i Santa Barbara, ku ta kai bou di polis di bario Claudette Raphaela, lo ta na turno promé.

E barionan Playa Pariba/ Playa Pabou  i Centrumgebied (Eugene Granviel), Belnem, Punt Vierkant, Sabal Palm, La Palma, Tera Kòrá (Ronald Schleper), Rincon, Tras di Montaña, Sabadeco (Victoriano Statie), Amboina, Bario Mexico iDen Stashi (Lee Anthony) lo sigui despues.

Share This
error: Content is protected !!