KIEBRO DEN KAS

Den oranan di mainta riba djaluna 8 di novèmber, a drenta keho di kiebro den un kas situá na kaya Baralt. Deskonosínan a destruí un porta di palu i a bai ku entre otro un lèptòp i un ‘Playstation’. Ta investigando e kaso.

KÒNTEINER NA KANDELA

Riba djadumingu 7 di novèmber sentral di polis a risibí notifikashon ku tabatin un kònteiner ku ta situá un fèlt di futbòl na Kaminda Lac, na kandela. Brantwer a paga e kandela. Ta investigando kousa di e kandela. No tabatin niun herido. Daño material si ta ekstenso.

 VIOLASHON DI RESTRIKSHON EN KONEKSHON KU CORONA

Alrededor di 12.37 or di mardugá, a duna doño di un establesimentu di horèka situá na Kaya Nikiboko Nort prosèsferbal pa violashon di restrikshon en konekshon ku corona. E establesimentu tabata habri ainda despues di 12 or di mardugá.

DETENSHON

Riba djasabra 6 di novèmber a detené un hòmber di inisial F.J.C. di 43 aña na un kas situá na Kaya Amazona en konekshon ku destrukshon, insulto di un ámtenar den funshon, menasa di i resistensia kontra un ámtenar den funshon i tambe pa no kumpli ku òrdu di polis. Algu mas lat a detené un dama ku tabata stroba órden públiko i ku a neglishá órden di polis. A detené e muhé ku inisial A.W. di 41 aña pa esaki.

 AKSIDENTE  RIBA KAMINDA ONIMA

Den oranan di atardi un aksidente ku un outo a tuma lugá riba Kaminda Onima. E shofùr a deklará kusu stür a blòkia  dor di kua ela kore drenta mondi. Hendenan na e sitio a yud’é sali for di e outo i personal di ambulans a kontrolá e na e sitio mes. Ambulans a bah’e na kas proméku patruya a yega na e sitio. Algun ratu despues e shofùr a regresá na e sitio pa a atendé ku polis.

Share This
error: Content is protected !!