Detenshon pa buracheria públiko

Riba djamars 9 di novèmber a detené un hòmber di inisial I.R.S. na un kas situá na Kaya Apache pa buracheria públiko. A embolbí polis komo ku e sospechoso tabata hasi fèrfelu na kas.

 Entrada Hudisial

Riba djamars 9 di novèmber, den oranan di atardi, un entrada hudisial den kuadro Lei di Opio i Lei di Arma BES , a tuma lugá den un kas situá den e bario di Kibrahacha.

Den oranan trempan di mainta riba djárason 10 di novèmber un entrada hudisial a tuma lugá den un kas situá na Kaya Mgr. Nieuwindt. E entrada hudisial tabata den kuadro di violashon di Lei di Opio. Aki a detené un mucha hòmber di inisial R.G. di 17 aña pa violashon di Lei di Opio i un mucha hòmber di inisial O.T. di 15 aña en konekshon ku ladronisia di un skuter.

Share This
error: Content is protected !!