Na luna di òktober, Tourism Corporation Bonaire (TCB) a duna rekonosementu na 11 bishitante komo embahador di Boneiru. Algun di nan ya a risibí medaya den e diferente kategorianan.

E wéspetnan ku a keda rekonosé pa promé biaha ta: Wim i Marijke Nieuwenhuis, prosedente di Hulanda ku a bishitá Boneiru pa 10 aña konsekutivo. Marcus i Allison Josephson di Merka tambe ku 10 aña konsekutivo, mientras Randy Garrett tambe di Merka a bishitá Boneiru pa 13 aña konsekutivo. E personanan menshoná a risibi medaya di bròns.

Tambe nos a risibí bishita di algun ‘repeat ambassadors’ ku e biaha aki a risibí medaya di plata. Ta trata aki di Timothy Catalano i Linda Taylor konhuntamente ku Carsten Elbro i Jane Oakhill ku a bishitá Boneiru pa 15 aña. Peter Koene i Els van der Sluis a keda honrá ku plakat di platina pa nan di 25 aña di bishita na Boneiru. E pareha anualmente ta bini Boneiru i nan bon amigu sr. Raphael Statie Rodriguez a ofresá un sena na nan honor, na unda representantenan di TCB tambe a asistí pa duna nan e rekonosementu akí.

Share This
error: Content is protected !!